GARTAL
قارتال تبریز
بو ورزشی وبلاگ تزلیکنن عزیز هموطنلر اچون یولا دوشجاخ
باشلايير
وطن داشدان باشلايير
وطن قوشدان باشلايير.
هم ديريدن، جانليدان
هم اؤلموشدن باشلايير.
سؤكولموش آت نالي دي
نوبار بئچه باليدي.
همرچيني، پاليدي
دونان قيشدان باشلايير.
سوغولان گؤز ياشيدي
يانان باغريم باشيدي.
بو داشي كيم داشيدي؟
تورپاق داشدان باشلايير.
اكيلن شوم يئريدي
گؤزومه قوم يئريدي.
اؤلوم گلسه يئريدي
حيات باشدان باشلايير
يايلاغا ساري
بو اوجا داغين باشيندان
بوروخ يوللار آشيب گئدر
چيچكلي يايلاغا ساري
شانلي ائللر آشيب گئدر
طبيعت گؤزلليك دوغار
بولودلار گوز ياشين ييغار
گؤي گورولدار ياغيش ياغار
داشقين سئللر آشيب گئدر
گؤل- چيچه يي دويا- دويا
يئتيشديك اولدوزا آيا
بو حاوادان او حاوايا
چنگي تئللر آشيب گئدر
